CEBU, Philippines — Kadaghanan sa mga Filipino boxing fans ang nagtuo nga gitikasan ang pambato sa Pilipinas didto sa Paris Olympics nga si kaniadto Tokyo Olympics silver medalist, Carlo Paalam, batok sa Australyanong si Charlie Senior nga niadtong Sabado sa gabii ( oras dinhi sa Pilipinas).
Ang duha nagsangka sa men’ 57 kg medal race apan napildi siya pinaagi sa sakit kaayong split decision batok ni Senior nga nakapasurpresa sa kadaghanan. Kini tungod kay sa duha ka rounds patas ra ang away sa duha apan sa ikatulong rounds klaro kaayo nga mas daghang limpyo nga gipatugpang kumo si Paalam ngadto ni Senior. Samtang ang Australyano nagsige og kasipyat. Apan ang mga hurado mipabor tanan ngadto kang Senior sa tulo ka rounds. Ang usa sa mga hurado mihatag og 30-27, samtang ang duha parehong nihatag og 29-28 pabor gihapon sa Australyano. Duha lang ka hurado ang mihatag kang Paalam og 30-27 ug 29-28.
“Klaro naman yung score talaga, sa akin lahat e. Wala naman siyang tumatama na ano, ang bawi ko sa kaniya, clear clear. So sorry talaga, ginawa ko ang best talaga kasi lamang na lamang talaga ako e. Pasensya na sa lahat,” sumala pang Paalam sa interbyu kaniya nga gipatik sa One Sports.
“Lamang po talaga ako sa ano ko e, ang mindset ko talaga ilaro ko ang laro ko. Wala naman talaga yang tama na solid sa akin, puro hampas lang. Sa akin clear na clear. Sobrang ano ko, ganun talaga, naano ko yung kulang sa akin,” dugang pa niya. — OneSport