^

Banat Palaro

SHAABAA Magis, Don Bosco selection mag-abot sa Inter-Alumni final

Emmanuel B. Villaruel - Banat

CEBU, Philippines — Ang duha ka teams sa Sacred Heart Ateneo Alumni Basketball Athletic Association nag-agi og managlahing dalan atol sa labing unang Inter-Alumni Invitational Tournament nga gipahigayon aron pagdugang og lamas sa SHAABAA Season 27.

Si Bernard Chioson mikadlit og 18 puntos, lima ka rebounds, upat ka assists, ug usa ka steal sa dihang ang SHAABAA Magis mipatigbabaw sa University of San Carlos-North Alumni Basketball Conference (USC-NBC), 83-78.

Midugang si Brandon Sainz og 15 puntos, tulo ka rebounds, upat ka assists ug upat ka streals alang sa Magis, nga namugnaw human miposte og 30-17 nga labaw sa first half apan mipakita og igong katakos sa naghinapos nga bahin sa duwa aron pagipsot ngadto sa singko puntos nga kadaogan.

Sila si Rey Marcus Fuentes ug Bradley Bacaltos mihimo sab og kasikas uban ang 11 puntos matag usa alang sa Magis.

Si Dolan Adlawan miposte og double-double nga 17 puntos ug 10 ka rebounds samtang sila si King Osabel ug Jeremy Deiparine nagkumboya'g 25 puntos, 11 ka rebounds, ug pito ka assists apan nakawang ang ilang paningkamot sa kampo sa mga Carolinians. Sukwahi hinoon ang nasinati sa SHAABAA Eagles nga gilampaso sa Don Bosco Technical College (DBTC) selection, 50-76.

Si Dondon Hontiveros maoy nangu sa Don Bosco bitbit ang 14 puntos, walo ka rebounds, duha ka assists, ug usa ka steal.

Mihipos sab og 14 puntos si Kristian Henry Alejandrino uban ang pito ka rebounds, tulo ka steals ug duha ka assists samtang si John Velasco midonar og 11 puntos sa balanseng ataki sa mga Bosconians.

Si Rendell Senining mitali og 14 puntos sa pilderong Eagles.

Ang SHAABAA Magis ug Don Bosco selection mag-abot sa tinagakay nga kampiyonato karong Dominggo, Hulyo 14, didto sa Benedicto College gymnasium sa may dalan A.S. Fortuna, dakbayan sa Mandaue, samtang ang USC-North ug SHAABAA Eagles magbugno alang sa ikatulong puwesto.

vuukle comment

SPORTS

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with