CEBU, Philippines — Si three-time NBA All-Star guard Bradley Beal nalandig sa Phoenix Suns sa usa ka trade nga naghatud sa 38-anyos nga si Chris Paul ngadto sa Washington Wizards.
Tungod niini, si Beal makig-uban nilang Kevin Durant ug Devin Booker aron buhion ang paglaum sa Suns nga makadaog sa labing una nilang NBA title.
Miduwa si Beal sa tibuok 11 ka tuig niyang karera sa NBA uban sa Wizards diin siya mi-average og 22.1 puntos, 2.3 assists, 1.0 rebounds ug 1.0 steals matag duwa.
Sukad naabot si Beal isip ilang No.3 overall pick niadtong 2012 Draft, ang Wizards kanunay nga naka-abot sa playoffs apan wala gyud sila makatikang sa ikaduhang hugna.
Sa iyang bahin, si Paul padayon nga naggukod sa una niyang korona sa NBA.
Motapon siya sa Wizards nga kausa pa lamang nakampiyon niadtong 1978.
Ang 12-time NBA All-Star guard lima ka higayon nahimong assists leader ug kaunom sa steals apan wala pa gyud makatilaw og kampiyonato samtang nagduwa uban sa New Orleans Pelicans, Los Angeles Clippers, Houston Rockets, Oklahoma City Thunder ug sa miaging tulo ka seasons uban sa Suns.
Uban ni Paul, ang Suns nakataak sa 2021 NBA Finals apan gipilde sila si Milwaukee Bucks.
Sa 18 ka tuig niya sa NBA, si Paul mi-average og 17.9 puntos, 9.5 assists, 4.5 rebounds ug 2.1 steals matag duwa.