CEBU, Philippines — Si NBA guard Bradley Beal dili moduwa sa US Olympic basketball team didto sa Tokyo samtang si forward Jerami Grant nakigduyog kaniya nga nag-obserba sa Covid-19 protocol. Wala pa hinooy klaro kon nataptan pa sa gihakadlokang virus si Beal. Starter siya sa miagi nilang tulo ka duwa diin siya mi-average og 10.3 puntos ug 4.3 rebounds.
Nganlan ra unya ni coach Gregg Popovich kon kinsa maoy iyang ihulip ni Beal. Gawas niini, ang mga organizers sa Las Vegas training camp sa Team USA mipahibawo nga ang ilang exhibition rematch batok sa Australia Boomers karon untang adlawa kanselado sab gumikan sa "health and safety protocols."
Wala nay dugang detalye pa nga gihatag. Ang US dunay 1-2 record sa dili pa makigharong sa Spain karong Lunes alang sa katapusan nilang tuneup game sa dili pa molupad sa Japan karong Martes.
Sa ilang 12-man lineup, tulo na lang ang gipaabot sa US team. Kini mao sila si Devin Booker sa Phoenix Suns ug Jrue Holiday ug Khris Middleton sa Milwaukee Bucks nga kasamtangan pang nagduwa sa NBA Finals.