Milo sports wa'y paglubadnmga idolong kampiyon, tuburan sa inspirasyon

CEBU, Philippines — Sud sa unom ka dekada sukad sa pagkahimugso niini, ang Milo Sports nakatatak na sa panumduman sa  Pilipinhong katawhan gumikan sa paghulma niini og mga banggiitang kampiyon nga nakahatag og dungog ug garbo sa nasud sa internasyonal nga mga  kompetisyon.

Haum kaayo ang komprehensibong programa sa Milo Sports gumikan kay ilang giagak ang mga batan-ong atleta sa matag tikang hangtod nga nakab-ot ang ilang damgo sa kinabuhi.

Apil sa labing masanagon nga mga produkto sa Milo Sports mao sila si Lydia de Vega-Mercado, ang gitamod nga "Sprint Queen" sa Asya, swimming Olympian Akiko Thomson, basketball stars Kiefer Ravena ug Chris Tio, volleybal icon Alyssa Valdez, ug ang world champion gymnast nga si Carlos Yulo nga usa sa gilauman sa Pilipinas nga mopugnit og medalya sa Tokyo Olympics karong Hulyo didto sa Japan.

Nalakip sab sa nagkutay nga listahan sa mga halangdon nga "Milo babies" mao si taekwondo champion ug coach Japoy Lizardo ug ingon man ang garbo natong Sugbuanong marathoner nga si Mary Joy Tabal. Si Tabal mikumpisal nga ang Milo Sports maoy nakapadasig ug naghatag kaniya og inspirasyon sa dihang gamay pa siya isip atleta ug nangambisyon pa lamang nga mokulit og pangan sa natad sa paugnat sa kusog.

Kay nadan-agan og kahayag ug nahatagan og enerhiya ang iyang mga pangandoy sa Milo Sports, ang 31-anyos nga si Tabal misuwat og kasaysayan human nanghawod sa National Milo Marathon sud sa unom ka sunod-sunod nga tuig gikan niadtong 2013 hangtod sa 2018. Nahimo kini niyang taytayan aron makapakita'g aksiyon sa prestihiyosong 2014 Paris, 2015 Los Angeles ug 2016 Boston marathons.

Labaw sa tanan, ang women's national record-holder sa 21km (1:16:29) ug 42km (2:43:31) mitagik sa iyang pangan sa bato isip labing unang Pinay'ng marathoner nga mikumbati sa Olympics niadtong 2016 Rio Games didto sa Brazil. Misidlak pa siya og samot pagka-sunod tuig human mikabkab og bulawang medalya alang sa Pilipinas sa 29th Southeast Asian (SEA) Games didto sa Indonesia.

Mao nga sa iyang pagbalik lantaw sa kagahapon, dili masukod ang gibating kalipay ni Tabal samtang nagsud-ong sa kaayohan ug mga gasa nga gidalit sa Milo Sports sa iyang kinabuhi.

"Tungod sa akong pag-apil sa mga sports programs sa Milo sa dihang gamay pa ko nagabaton ko og champion mindset," asoy pa ni Tabal. "Milo taught me to dream big. Their support has always inspired me to keep pursuing my dreams and make our country proud. And I know that the same goes for the rest of other young Filipino athletes who are just starting their champion journeys."

"My dream, started with Milo," dugang pa ni Tabal. "I know that Milo is and will always be a a big part of the Filipino athletes’ champion dreams. Thank you so much for the continued support. I will continue to make an impact, to inspire change, to leave everything better than I found it, to keep inspiring the nation, and to our future generation of champions."

Susama sab ang sentimento ni coach Japoy nga wa'y puas ang pasalamat sa Milo Sports nga dako og natabang kon unsa'y iyang nahimutangan karon sa kinabuhi.

"Milo Sports program has been a really good help in my champion journey. It helped developed my skills and not just that, it instilled discipline in me, helped me build champion habits and learned many values that I am still able to use now," sumala pa ni  Lizardo nga duha ka higayon nakadaog og gold medal sa 2005 Manila ug 2011 Indonesia Southeast Asian (SEA) Games.

"To Milo Sports, thank you so much for believing in me. Thank you for making me the champion that I am today. Thank you for being part of my champion journey ever since! Thank you also for helping our young athletes achieve their champion dreams!".

Lumalabay man tuod ang mga katuigan, apan ang Milo Sports wa'y paglubad ug padayong mitabang sa mga kabata-onan sa ilang paglawig aron makampiyon bisan taliwala ning pandemiya. Ang labing halandumon ug dalaygon mao nga ang giumol nilang mga idolong kampiyon sa kagahapon tuburan sa inspirasyon karon sa mga batan-on.