Myla Pablo sa Petro Gazz na moduwa sa PVL
CEBU, Philippines — Bago na sab nga team ang duwaan ni Myla Pablo inig balik sa aksiyon sa Premier Volleyball League.
Si Pablo adto na moduwa si Pablo sa Petro Gazz, uban nilang Grethcel Soltones ug Ces Molina.
Ang kanhi PVL MVP motipon sa iyang ikatulong koponan human niduwa sa Pocari Sweat gikan niadtong 2016 hangtod 2018 ug sa Motolite niadtong 2019 hangtod nidesider nga mobakasyon una niadtong Enero.
Sa presensiya sa kanhi three-time Finals MVP, ang Petro Gazz nihulma og usa ka hugpong sa mga talentadong wing spikers nga naglakip sa nasudnong mga magduduwa nga silang Soltones ug Molina.Si Pablo nga katapusang nidaog og PVL title niadtong 2017 uban sa Pocari, maglaum nga makakuha og laing titulo uban sa Petro Gazz nga nakampiyon sa 2019 Reinforced Conference ug runner-up sa Open Conference sa mao gihapon nga tuig.
Plano sa PVL nga mobalik sa aksiyon karong summer sa usa ka bubble set-up didto sa Inspire Sports Academy sa Calamba, Laguna.
- Latest
