CEBU, Philippines — Sa usa ka makapakurat nga kalamboan, si Mike Tyson, nga karon 53-anyos na, mipahibalo sa iyang plano nga mobalik og boksing.
Apan gitaho sa The Sun nga ang heavyweight legend buot lamang moaway sa upat ka hugna nga mga exhibition matches alang sa mahinungdanong kawsa.
Agi'g pangandam sa iyang pagbalik sa ring, si Tyson nagkanayon nga kasamtangan siyang mipahigayon og cardio ug boxing workouts.
"I've been hitting the mitts for the last week," matud pa ni Tyson sa Instagram Live uban ni rapper T.I. "That's been tough, my body is really jacked up and really sore from hitting the mitts."
"I've been working out, I've been trying to get in the ring, I think I'm going to box some exhibitions and get in shape," dugang pa niya. "I want to go to the gym and get in shape to be able to box three or four-round exhibitions for some charities and stuff."
Gikoronahan nga labing bata nga world champion sa kasaysayan sa edad nga 20-anyos, si Tyson dunay mabulukon nga 20 ka tuig nga karera sa boksing diin iyang gipakatug ang 44 sa 50 niya ka mga kontra. Miretiro siya niadtong Hunyo 2000 human siya gipalukapa ni Kevin McBride.