Giannis dili makaduwa sud duha ka duwa tungod sa knee injury

CEBU, Philippines – Dili makapakita'g aksiyon sud sa duha ka duwa ang reigning MVP nga si Giannis Antetokounmpo sa Milwaukee Bucks tungod sa knee injury.

Dili hinuon seryoso ang injury ni Giannis human siya gipaubos sa MRI ug makuting eksaminasyon sa ilang team doctor nga si William Raasch.

Aron dili mosamot ang iyang gibatyag, ang 6-foot-1 forward wala miduwa sa ilang sangka batok sa Phoenix Suns kagahapon. Mopalta sab siya sa ilang engkuwentro batok sa Denver Nuggets karong adlawa.

Niadtong Sabado, si Antetokounmpo nahagba sa korte sa hinapos nga bahin atol sa 113-103 nilang kapildihan ngadto sa Los Angeles Lakers.