MYBL-Cebu buksan karon sa SHS-Ateneo Canduman

Cebu, Philippines —Kapin sa 100 ka mga koponan ang mag-ilog sa titulo sa nagkadaiyang kategoriya sa pagbukas sa MVPSF Youth Basketball League-Cebu (MYBL Cebu) didto sa Magis Eagles Arena sa Sacred Heart School-Ateneo de Cebu sa Barangay Canduman, Mandaue City.

Ang MYBL-Cebu usa ka hiniusang torneyo sa  MVP Sports Foundation ug Cebu Youth Basketball League (CYBL). 

Ang kategoriya nga tigian naglakip sa under 12, 15, ug 18. Ang matag age-groups adunay duha ka dibisyon.

"MVPSF wants to bring this tournament to new heights. Our goal is to identify, develop and monitor young talents 

from Cebu," matud pa bu Attorney Oscar Moreno Jr., MVPSF Community and Youth director sa press conference kagahapon 

didto sa House of Lechon sa Robinsons Galleria Cebu.

Ang mga binyu sa duwa naglakip sa SHS-Ateneo campuses, Talisay City Sports Complex, Sisters of Mary's-

Boystown, Aznar Coliseum, University of Southern Philippines Foundation gymnasium ug University of San Carlos-South.

Gawas sa mga koponan gikan sa CESAFI, mosalmot usab ang ubang ballclubs ug LGU-based teams sa maong torneyo 

nga molungtad og unom ka bulan. Ang duwa ipahigayon matag Sabado ug Domingo.

Sa laing bahin, magsilbe nga highlight sa opening ceremony mao ang goodwill game tali sa MYBL-Cebu officials-

coaches ug "Team Samsam/Dondon," nila ni Talisay City Mayor Samsam Gullas ug Cebu City Councilor Dondon Hontiveros.