CEBU, Philippines – Ang beteranong boxing promoter nga si Bob Arum nagtuo nga si Manny Pacquiao kinahanglan nga moretiro na sa labing dali nga panahon gawas kon makubit niini ang gihandum nga 'rematch' nilang Floyd Mayweather Jr.
Si Arum nga maoy promoter ni Pacquiao sa bulawanon niining mga tuig sa boksing, mipadayag ngadto sa World Boxing News website nga gusto niya nga isab-it na sa Pinoy ring star sa hingpit ang iyang mga gloves.
Ang 40-anyos nga si Pacquiao nga midaog pinaagi sa split decision batok ni Keith Thurman aron langkaton ang WBA unified welterweight title, wala pa mitakda sa sunod niining away.
Apan sa iyang panahom, si Arum nagkanayon nga si Pacquiao morisgo sa mas dakong kadaut sa iyang kaugalingon kon ugaling lugwayan pa niini ang iyang karera .
"Pacquiao, I promoted him for many, many years," matud pa ni Arum. "He's an exceptionally good human being, really a fine guy, extraordinarily charitable and a delight."
"But he's (almost) 41-years-old. And if you're 41 you can't take punishment. You can't take blows like he did in the Thurman fight," dugang pa niya. "Sure, he won that fight – but he took a lot of punishment. That punishment is going to have a serious effect on how he lives the rest of is life."
Pabor hinuon si Arum nga si Pacquiao makigsangka og usab ni Mayweather.
Og kon makuha na niini ang maong rematch, hayan nga si Pacquiao puwede nang moretiro.