CEBU, Philippines – Mipakita og nindot nga buhat ang suspendidong PBA star nga si Calvin Abueva kay nakit-an kini nga libreng mitudlo og basketbol sa kabatan-onan didto sa Pampanga.
Si Abueva nga padayong naghuwat sa desisyon ni PBA Commissioner Willie Marcial kon makaduwa na ba siya pagbalik uban sa Phoenix Fuel Masters, mikalingaw og pahigayon og training camps alang sa kabatan-onan sa ilang dapit.
Ang 6-foot-4 nga si Abueva miuli sa pinuy-anan sa iyang mga ginikanan didto sa Pampanga human usab sila magkabuwag sa iyang kapikas nga mipasangil kaniya nga nanagmal sa miaging bulan.
Ang kampo ni Abueva miklaro hinuon nga wala kini buhata sa PBA All-Star aron makumbinsir ang PBA nga nagbag-o na siya.
Si Abueva giingon nga giduol ni Pampanga Governor Dennis Pineda aron motabang sa ilang programa sa basketbol.
Ang kadagkoan sa Phoenix nalipay hinuon sa gipakita ni Abueva bisan pa og giklaro nila nga wala kini mananghid kanila.