Gilas Pilipinas makigduwa sa Russia, Spain pangandam sa 2019 World Cup

CEBU, Philippines – Duha ka lig-on nga mga koponan ang giplanohang sangkaon  sa Gilas Pilipinas kabahin sa ilang pagpangandam sa 2019 World Cup sa Agosto 31 hangtod Septiyembre 15 didto sa China.

Si Samahang Basketbol ng Pilipinas (SBP) president Al Panlilio mitug-an nga nakigmiting sila sa  kadagkoan sa Russia ug Spain national team aron  makigduwa sa mga Pinoy sa tune-up games.

Ang Russia maoy rank No. 10 sa FIBA ug makahatag og kompiyansa sa  Gilas cagers ang pakigduwa kanila sa usa ka tune-up game.

Samtang, ang SBP nakigsabot na karon sa   kadagkoan sa Spain diin gipadayag nila ilang laraw nga mohapit sa maong nasud aron makigduwa sa No. 2 rank team sa FIBA.