Andam na ang tanan alang sa Hunat Sugbu 9
CEBU, Philippines – Kapin sa dos mil ka runners ang gilauman nga mosalmot sa 9th edition sa Hunat Sugbu: Dagan Para Ni Maning sa Hunyo 23 didto sa Terraces sa Ayala Center Cebu.
Ang tinuig nga lumba nga gipahinungod ni anhing Manuel Go Ting, ang founding president sa Parklane Hotel, naglangkob sa 3K, 6K, 12K ug 21K categories.
"Our target for the number of participants is still the same and we encourage the runners to register as early as possible for we only have limited slots available especially for the 12K and 21K," matud pa ni Hunat Sugbu chairman Nicanor Nacorda.
Kagahapon pa opisyal nga gilusad ang lumba, apan gidugang sa mga organizers nga nakalista na sila og 200 ka entrante.
Moabot sa P72,000 nga ganting salapi ang gitagana alang sa top finishers sa matag kategoriya.
Ang registration fee nagkantidad og P400 sa 3K, P500 sa 6K, 750 sa 12K ug P900 sa 21K libre na ang singlet, race number ug snacks.
Niadtong mga interesado, mahimong moparehistro didto sa Cebu Parklane Hotel lobby. SM City ug Ayala Center. Ang deadline sa registration gikatakda sa Hunyo 21.
- Latest
