CEBU, Philippines — Ang duha ka star forward nga silang Japeth Aguilar ug Arwind Santos migiya sa North All-Star paglubong sa South nga gibidahan sa twin-tower niining JuneMar Fajardo ug Greg Slaughter, 185-170 sa tinuig nga PBA All-Star Game sa miaging gabii didto sa Pangasinan.
Ang high-flyer sa Barangay Ginebra San Miguel nga si Aguilar ug si ang veteran forward sa San Miguel Beermen parehong mirehistro og 32 puntos. Ang teammate ni Aguilar sa Ginebra nga si LA Tenorio mihimo'g triple-double uban ang 11 puntos, 15 ka rebounds ug 10 ka assists.
Nagsinukliay og mga puntos ang duha ka koponan nga milingaw sa PBA fans ilabi na sa mga dunk nila ni Aguilar ug Santos.
Ang maong duwa mikulit og kasaysayan sa All-Star tungod kay kini ang labing taas nga scoring game nga adunay 45 ka tres nga napasulod ug 37 ka dunks.
Nangulo sa North si Fajardo nga adunay 26 puntos uban ang 13 ka rebounds.
Sa maong daog, ang North naglabaw karon sa standing sa All-Star Games diin aduna na'y siyam, samtang ang South aduna lama'y lima ka daog..