CEBU, Philippines — Laraw ni Philippine Olympic Committee (POC) president Ricky Vargas nga ipadala sa nagkadaiyang NSA (National Sports Associations) ang labing maayo ug kinakusgan nila nga mga pambato aron matuman ang misyon sa Pilipinas nga masulod sa top three sa Southeast Asian Games.
Matud ni Vargas, mas dakong presyur ang ilang gipas-an tungod kay ang Pilipinas mao ang host karong Nobiyembre, apan salig siya nga matuman ilang tahas nga mopahiluna sa top three o makuha ang overall championship sama sa nakab-ot sa Philippine team niadtong 2005 diin katapusang mi-host ang nasud.
Buot ang Pilipinas nga makabawi gikan sa makauulaw nilang sixth place sa miaging SEA Games didto sa Malaysia duha na ka tuig ang milabay.