CEBU, Philippines — Mihimo og talagsaon nga apelar ang kampo ni WBA welterweight champion Manny Pacquiao diin gusto nila nga tangtangon ang baga nga bangas ni Adrien Broner.
Si Pacquiao manalipod sa iyang bakus batok ni Broner ugma (oras dinhi sa Pilipinas didto sa MGM Grand Arena sa Las Vegas, Nevada.
Ang head sa Team Pacquiao nga si Buboy Fernandez nagkanayon nga mahimo nga gamiton ni Broner iyang balbas nga maoy iyang estratehiya aron mahasol si Pacquiao tungod kay hait kini ug kuyaw maigo ang mata sa Pinoy boxing icon kun magbangga na sila ibabaw sa ring.
“Kapag nagdikitan kayo, kapag natusok ang mata mo, paano na ngayon yan? Tayo nga mapuwing lang tayo ng pilik-mata natin, alburuto na tayo di ba," matud pa ni Fernandez sa Philstar.com.
"Strategy yan eh. Pwede ka maglagay ng kung ano-ano sa bigote niya. Lagyan mo ng pampatigas, o ano ngayon yan?"
Seryoso ang kampo ni Pacquiao ug ila na nga gipaabot ilang apelar ngadto sa Nevada State Athletic Commission ug nagpaabot na lang sila sa tubag niini.
Kahinumduman, gibalbasan ni Broner ang iyang bungot atol sa iyang sangka batok ni Jessie Vargas sa miaging tuig.
Nanghinaut ang Team Pacquiao nga mao sab kini ang buhaton ni Broner ugma.