CEBU, Philippines – Aduna gyu'y tensiyon nga mitumaw atol sa final press conference nilang Deontay Wilder ug Tyson Fury, tulo ka adlaw sa dili pa ang giatngan nilang heavyweight title showdown.
Sila si WBC heavyweight champion Wilder ug Fury magsangka karong Domingo didto sa Staples Center sa Los Angeles, California.
Gitapos ni Fury ang presscon pinaagi sa paghukas sa iyang senina dayong hagit og sinukmagay ni Wilder.
Ang 30-anyos nga si Fury (27-0, 19KOs), nanganti nga iyang palukapahon si Wilder sa ila unyang sangka.
Seguradong huego todo gyud nga binukbukay ang masaksihan sa mga fans gumikan kay si Wilder (40-0, 39KOs) mibahad sab nga iyang pahawkon sa sawog si Fury. (BANAT NEWS)