CEBU, Philippines – Katloa'g upat ka koponan ang mag-ilog sa korona sa 2nd Governor's Cup 40-above Basketball Tournament sa ikaunom nga distrito sa Sugbo nga gibuksan niadtong Domingo didto sa Mandaue City Cultural and Sports Complex.
Ang mga koponan nga misalmot naglakip sa mga barangay nga sakop sa Mandaue City, Consolacion ug Cordova.
Kini mao ang Brgy. Guizo, Ibabao-Estancia, Opao, Banilad, Tipolo, Looc, Pagsabungan, Paknaan, Cambaro, Alang-Alang, Umapad, Jagobiao, Tabok, Cabancalan, Bakilid, Cubacub, Maguikay, Casuntingan ug Subangdaku sa Mandaue.
Barangay Casili, Jugan, Nangka, Lamac, Pulpogan, Tayud, Cansaga, Panoypoy, Garing ug Tilha-ong sa Consolacion ug ang Buagsong, Dapitan, Poblacion ug Ibabao sa Cordova.
"I created this 40 and above tournament to provide these basketball enthusiasts under this age bracket a venue to play and to have their own league, as well to promote and maintain a healthy lifestyle to our senior players," matud pa ni 6th District Board Member Glenn O. Bercide nga maoy nangulo sa maong torneyo.
"This is the second Governor's Cup but the 40 and above tournament has been existing for 13 years already and as long as we can we will continue this."
Ang tulo ka local government unit (LGU) adunay ilahang tagsang elimination round ug championship game diin ang mokampiyon sa matag LGU makadawat og P20,000 nga ganti.