CEBU, Philippines — Dili gihapon makabuylo og duwa sa sunod season ang starting point guard sa Los Angeles Lakers nga si Lonzo Ball kay gikatakda kining operahan sa iyang na-injured nga walang tuhod.
Daghan unta ang nag-atang kon unsa ang resulta sa panag-uban sa playmaker nga si Ball ug superstar LeBron James.
Si Ball napalta og 30 ka duwa sa miaging season tungod sa mga injury ug posible nga dili siya kasugod sa season nga gikatakda sa Oktubre kay ipaubos pa siya og rehabilitasyon. Posibleng hulipan una siya ni veteran point guard Rajon Rondo nga bag-o lang sab nahimong sakop sa Lakers.
Ang No. 3 overall pick nga si Ball nga mi-average og 10.6 points, 7.6 assists ug 7.3 rebounds gusto mamawi human siya natalbogan sa ubang rookies sa miaging season sama nila ni Rookie of the Year Ben Simmons sa Philadelphia 76ers, Jayson Tatum sa Boston Celtics ug Donovan Mitchell sa Utah Jazz.