CEBU, Philippines — Gibanabanang dul-an sa 3,000 ka mga fitness buffs ug adventure athletes ang mosalmot sa labing unang Spartan Race Cebu karong buntag diha sa Foressa Trails sa Barangay Cansomoroy, Balamban.
Dili sama sa usa ka regular nga lumba, ang Spartan Race aduna la'y gilay-on nga 5-kilometros, apan gitan-aw kini nga mas
lisud tungod kay napuno kini sa mga obstacles paingon sa finish line.
Gawas sa pagdagan, ang mga partisipante kinahanglang molayat, mokamang, mokatkat ug moalsa og mga bug-at depende sa obstacles nga ilang agian.
Ang lumba gibahin sa men's ug women's elite, age-groups ug team event. Ang modaog sa elite ug age-group category aduna kahigayonan nga mo- qualify alang sa Asian Spartan Race o World Championship sa hinapos nga bahin ning tuiga.
Human sa regular nga Spartan Race sa alas-8 sa buntag, sundan dayon sa Spartan Kids Race nga magsugod sa alas-10 sa buntag.
Ang modaog sa matag dibisyon makadawat og ganting salapi, medalya ug freebies gikan sa sponsors.