CEBU, Philippines — Nagpanikad na ang 869 ka atleta ug coaches sa Central Visayas Regional Athletic Association (CVIRAA) alang sa 2018 Palarong Pambansa sunod semana didto sa Vigan, Ilocos Sur.
Ang Central Visayas mas andam karon ilabi na nga mihimo sila og unified training uban sa tabang sa kagamhanan sa siyudad sa Sugbo ubos sa liderato ni Mayor Tomas Osmeña ug City Councilor Joy
Augustus Young.
“I’m glad that it’s finally done. I had spoused this idea of a unified training kaniadto pang konsehal ko in 1990’s, but it’s only now that it has materialized. Sige ra ko’g suggest, but lagi kay wala pud mi budget ato that time especially sa food sa mga bata, wala gyud nahimo. Ako na pud gi-suggest og balik sa DepEd-7 sa una, pero wala’y nahitabo. And finally karon, nahimo na gyud nato. Hopefully, makatabang gyud ni sa mga athletes,” matud pa ni Young.
Laraw sa CVIRAA delegates nga masud og balik sa top four human sa makauuwaw nga ninth place finish sa miaging tuig.
Ang koponan sa Central Visayas mogikan sayo karong buntag aron maandam ilang kaugalingon sa pagsugod sa aksiyon sa Abril 15.