CEBU, Philippines - Dul-an sa 60 ka mga batan-ong magduduwa og ahedres dinhi sa Sugbo ang magtigi sa ilang abilidad sa pagsikad sa McDonald’s Jones Cup Chess Championship karong adlawa diha sa McDonald’s-Jones branch.
Mao kini ang unang qualifying stage sa maong serye sa torneyo nga magsubay og 7-round Swiss system format.
Ang ikaduhang hugna sa eliminasyon gikatakda karong Enero 30.
Ang top two finishers sa 14-17 ug 13-under age group sa boys ug girls division mo-abante ngadto sa monthly finals karong Enero 31.
Mga medalya, gift certificates ug ganting salapi ang iapud-apod ngadto sa mga mananaog.
Ang entry fee nagkantidad og P150 nga duna na’y libreng chicken McDo meal.