CEBU, Philippines – Magpinuntingay na sab ang mga mahiligon og darts dinhi sa Sugbo sa ipahigayong 1st Ramon “Mon-@Ls” Alcoseba Sinulog Masters diha sa Yayoy’s Grill and Resto Bar karong Enero 15.
Ang mga partisipante sa maong classified doubles event moduwa sud sa duha ka eliminasyon.
Ang mapunta sa winner’s bracket magsubay og best-of-three 501 format, samtang ang malabay sa loser’s side makumbati pinaagi sa 701 single game.
Miabot ngadto sa P10,000 ang ganting salapi nga iapud-apod ngadto sa mga mananaog.
Ang entry fee nagkantidad og P100.
Ang rehistrasyon sugdan sa alas-8 sa gabii atol gyud sa kompetisyon.
Gipahimangnoan kadtong gusto mosalmot nga magsul-ot og tarong nga senina.
Laktod pagka sulti, bawal ang kamiseta ug short pants. (BANAT NEWS)