CEBU, Philippines – Nagkinahanglan lang og 13 segundos ang Irish nga si Conor McGregor aron patulgon ang Brazilian nga si Jose Aldo aron maangkon ang UFC featherweight title didto sa Las Vegas.
Sa labing giatangan nga mixed martial arts katong tuiga, si McGregor mipamatuod nga siya ang mas kusgan dihang iyang gipatumba gamit ang counter punch batok sa Brazilian.
Sa supporting bout, gikoronahan usab nga bag-ong middleweight king si Luke Rockhold dihang gilatos niya si Chris Weidman sa fourth round.
Sila si McGregor ug Rockhold duha sa mga bag-ong kampiyon sa UFC sunod ni Holly Holm kinsa bag-o lang mipalagpot ni Ronda Rousey isip womens champ. (BANAT NEWS)