CEBU, Philippines – Napuhalan sa Hyundai ang KIA sa pagbukas sa Sunrise All Sports Association (SASA) 1st Car Dealers basketball tournament kaniadtong Biyernes didto sa SASA open court sa barangay Lahug, ning dakbayan.
Dunay 12 ka teams ang misalmot sa maong torneyo ug ang Hyundai usa sa unom ka teams nga milangkub sa Group A uban sa Isuzu, Suzuki, Foton, Toyota ug Mitsubishi South samtang ang mga team nga milangkub sa Group B mao ang KIA, Chevrolet, Mercedes Benz,v Ford, Honda ug Mitsubishi North.
Magpadayon ang duwa karong gabii diin magsangka ang Mitsubishi south batok sa Suzuki sa alas otso sa gabii samtang magtakos ang Ford batok sa Mitsubishi North sa alas nuybe sa gabii.
Ang SASA gidumala nilang Robert Ortega isip organizer uban kanilang Billy Gabiana, Rodel Salimbot ug Joey Resma. (GGM) (BANAT NEWS)