CEBU, Philippines – Sa labing unang higayon, ang 2016 PBA All-Star Game ipahigayon sa gawas sa nasud didto sa Dubai, UAE sa Marso 4-6 sunod tuig.
Ang PBA kadaghan na nga mipahigayon og exhibition games ug regular games didto sa Dubai, apan ning higayona, mag-abot ang mga labing sikat nga Pinoy stars sa All-Star atubangan sa mga OFW's didto sa maong nasud.
“We have had an agreement with a Dubai organizing group for the staging of the 2016 PBA All-Star event in the UAE capital city on March 4-6,” matud pa ni PBA business development director Rhose Montreal sa The Philippine STAR, ang igsuong mantalaan sa Banat News.
Sa katapusan nilang event didto sa Dubai, nagpunsisok ang mga Pinoy fans didto sa Al Wasl Sports Club dihang mihimo sila og duha ka regular games nga naglangkob sa Barangay Ginebra San Miguel, Mahindra Enforcers ug Alaska Aces.