1st King Properties Contractors basketball tournament sugod na
CEBU, Philippines – Gisubhan dayon og daog ang King Properties human ilang gipukan ang Mecu-Admin, 50-42 pagsugod sa 1st King Properties Contractors Basketball Cup niadtong Biyernes didto sa Guadalupe Sports Complex.
Si Marco Vasquez mirehistro og 18 puntos aron pangulohan ang King Properties nga nakaipsot sa higpit nga duwa batok sa Mecu-Admin.
Gisugat sab og daog ang Mecu Fire Pro batok sa Mecu Plumbing, 44-35 ubos sa pagpangulo ni Paul Miroy, kinsa mipabuhagay og 16 puntos. Mipakita sab og maayong labok sila si Peter Lagunzad ug Cris Salgado nga parehong mikandos og 12 puntos.
Si Jordan Cardona mao sab ang nangu sa Mecu Plumbing sa iyang 12 puntos, gisundan ni Onald Sasac nga adunay 10 puntos.
Sa laing aksiyon, si Arnel Gepiga miiskor og 10 puntos alang sa JM Salera Const nga mitumba sa Vinyard Const. 40-34, samtang si Niño Calderon mao sab ang nangu sa Vinyard Const. nga milansang og 17 puntos.
Ang liga giorganisar ni Engr. Fritz Canono inabagan ni Tim Adlawan. Ang mga duwa gipadagan ni league commissioner Marjorie Martinez ug technical committee Edwin Dejacto Sr.
Puntos Matag Usa
Unang duwa:
KING PROPERTIES (50) – Vasquez 18, Mirez 8, Bacala 7, Canono 6, Rosaluna 6, Zulueta 3, Adlawan 2.
MECU-ADMIN (42) – Tagadiad 9, Mapili 7, Morano 6, Bongo 5, Taglinao 3, Lopez 2, Jabiniao 2.
Ikaduhang duwa:
MECU FIRE PRO (44) – Miroy 16, Lagunzad 12, Salgado 12, Tamara 2, Tarnate 2.
MECU PLUMBING (35) – Cardona 12, Sasac 10, Solario 4, Comendador 2, Caballa 2, Calipayan 2, Otar 2, Pugora 1.
Ikatulong duwa:
JM SALERA CONST. (40) – Gepiga 10, Escoba 8, Amatril 4, Salloman 4, Ganaganag 4, Zapanta 2, Novabos 2, Baligasa 2, Abraham 2, Bolo.
VINYARD CONST. (34) – Calderon 17, Lazarte 7, Villarosa 5, Tortuga 3, Gimena 2. (BANAT NEWS)
- Latest
