CEBU, Philippines - Miyukbo ang 2015 Sinulog 10-Ball billiards champion nga si Anton Raga ngadto ni Mark Rodriguez atol sa Manny Pacquiao World Pool tournament 1st round of elimination didto sa Star Billiards Hall sa Manila.
Ang Sugbuanong si Raga gipatapsingan ni Rodriguez, 8-7 ning duha ka adlaw nga torneyo.
Midaog hinuon ang laing Sugboanon nga si Eljun Abellana batok kang Jordan Legaspi, 8-4 samtang si Butch Agosto midaog sab batok ni JP Sy, 8-5.
Si Ruben Cuna, kinsa gipilde ni Raga atol sa Sinulog billiards finals dinhi sa Sugbo niadtong Enero 17, milampurnas ni Darwin Banadaz, 8-2 sa first round nga matapos karong adlawa. Ang second round himuon sa Pebrero 15-16 didto sa SM City Gen San.