CEBU, Philippines - Dakung giyera sud sa ring ang mahitabo atol unya sa panagharong sa mixed martial arts fighter ug kickboxer sa ‘Kumbati sa Sogod’ ugma sa gabii sa Sogod Multi-purpose gym.
Ang maong fight card maoy labing unang MMA ug kickboxing event sa Southern Leyte.
Misaad og knockout nga kadaugan ang Sugbuanong si Raymund Libradilla sa Tatus Muay Thai and MMA sa Mandaue City ug US-based French fighter nga si Paul Carrere.
Ang “Kumbati sa Sogod” magsilbe sab nga qualifying event alang sa umaabot nga Ground and Pound series ning tuiga sa Cebu Coliseum.
Sa kickboxing event, duha ka Yaw-Yan ArDigma Cebu warriors ang mopakita’g aksiyon batok sa tagsa-tagsa nilang kaatbang. Si URCC fighter Ruel Rosauro makigbatok ni Redner Mendonza sa Durex Dragon Kickboxing Club, samtang si Batang Pinoy national champion Ken Caniga makigsangka ni Benedict Torbiso sa Durex KBC.