CEBU, Philippines - Ang dance directress sa Sugbu nga si Eleanor Hayco naka-gold ug silver medal uban sa iyang tagsa-tagsa ka pares sa 5th King’s Cup Open 2014-WDSF Standard and Latin World Open nga didto gipahigayon sa Bangkok, Thailand.
Sila si Hayco ug Bjorn Torreon mikabkab og bulawang medalya sa seniors open division sa modern standard category.
Ang multi-titled nga si Hayco gipares ngadto ni Jimmy Noel diin misakmit sila og silver medal sa seniors Latin Open.
Kini ang ikatulong higayon ni Hayco nga mitigi sa King’s Cup. (BANAT PALARO)