UV Baby Lancers, CIT-U Wildkittens nimasaker sa ilang mga kaatbang

CEBU, Philippines - Parehong gilubong sa University of the Visayas (UV) Baby Lancers ug sa Cebu Institute of Technlogy-University (CIT-U) Wildkittens ang ilang  kaatbang  sa 14th  Cebu Schools Athletic Foundation, Inc. (CESAFI) kagahapon diha sa Cebu Coliseum.

Gipanitan sa UV Baby Lancers ang Cebu Eastern College (CEC) Dragons , 77-47 aron inaton ang ilang  win-loss record ngadto sa 4-1.

Ang CIT-U Wildkittens miiskor sab og makabungog nga kadaugan batok sa Don Bosco Technology Center  (DBTC)  Greywolves sa iskor, 85-48  alang sa ilang 3-3 nga baraha.

Silang John Carl Escalona ug Theo Joshua Flores maoy nangu sa  UV Baby Lancers sa ilang 20 ug 19 puntos matag usa, samtang si Ivan Augustine Mata mibugwak og 16 puntos aron maoy mangu sa Dragons, gisundan ni Richmond Bulibuli sa iyang  14 puntos.

Sa laing bahin, silang Justin Juls Langres, Jasper Berezo ug Joshua Philip Manatad parehong miiskor  og double figures alang sa CIT-U Wildkittens. Ang  walay daog nga  Greywolves gipangulohan nilang Mark Anthony John Agustinez ug Juan Miguel dela Torrre sa ilang 12  ug 11 puntos matag usa. (BANAT NEWS)