CEBU, Philippines - Gidemolis sa Reuyan Compound ang Capao Compound, 110-87 aron sakmiton ang seniors division title sa Barangay Poblacion Occidental Inter-Sitio Basketball Summer League 2014 didto sa Consolacion.
Mipaulbo og 30 puntos si Clarence Reuyan nga igo na kaayo alang kaniya aron ilhon isip tournament MVP. Ang playing coach nga si Kurt Flores miabuno’g 28 puntos, lakip na ang walo ka 3-pointers, samtang si Kikurt Reuyan mitimbre’g 26 puntos alang sa ilang 23 puntos nga kadaugan batok sa Capao Compound. Ang Reuyan Compound nga gitimonan usab ni Ondo Reuyan midaog sab og mga titulo sa mini, midget, juniors ug open category.
Ang torneyo nahimong posible pinaagi sa suporta ni Brgy. Capt. Marilou P. Casul. Si Rexan Lynn P. Casul maoy nga magsilbeng sports chairman, uban ni Pafom Pepito isip commissioner.
Puntos matag usa
Reuyan Compound (110) – C. Reuyan 30, K. Flores 28, K. Reuyan 26, R. Reuyan 10, E. Armean 8, R. Hijapon 8, V. Oporto 6, W. Acabal 4.
Capao Compound (87) – F. Abrasado 20, A. Capao 18, A. Abrasado 15, B. Burlaos 14, C. Congson 12, M. Rojas 8- (BANAT NEWS)