CEBU, Philippines - Tinguhang kab-uton sa University of Cebu (UC)-Nigeria ang talagsaong "grandslam" pinaagi sa men's open championship sa 3rd BRO Football Cup karong adlawa didto sa Aboitiz Sports Field.
Sa wala pa ang BRO Footfestival, ang UC-Nigeria nidaog na og duha ka sunod-sunod nga titulo pinaagi sa Don Bosco Football League ug sa 16th Aboitiz Football Cup. Ning higayona, ang UC-Nigeria moharong sa Team Korea sa kampiyonato.
Gitapos sa UC-Nigeria ang eliminasyon pinaagi sa 6-4 nga kadaugan batok sa ERCO-Don Bosco Alumni sa miaging gabii. Nagbitbit sila og 3-1 win-draw record aron mopahiluna sa kinatumyang bahin sa standing. Samtang ang Team Korea nagbitbit sab og 3-1 win-draw human nila sirohi ang Airlifters, 4-0. (BANAT PALARO)