CEBU, Philippines - Dili una mopahigayon og mga duwa ang Aboitiz Football Cup karong adlawa ug ugma nunot sa nagpadayong 11th Thirsty Football Cup diha sa Cebu City Sports Center (CCSC) football field.
Kini gumikan kay kasagarang mga partisipanteng koponan sa Aboitiz Cup mosalmot man sab sa Thirsty Cup.
Nakadesider ang Cebu Football Association (CFA) nga dili una motakda og duwa karong weekend aron hatagan og higayon ang laing kalihukan ubos sa bendisyon sa CFA.
Ang mga duwa sa 16th Aboitiz Cup mobalik sunod semana.