USJ-R mimakmak sa USPF sa 13th CESAFI volleyball
CEBU, Philippines - Ang University of San Jose-Recoletos (USJ-R) mikawhat sa ilang ikaduhang sunod-sunod nga daog batok sa University of Southern Philippines Foundation (USPF), 3-1 sa men's volleyball action sa 13th Cebu Schools Athletic Foundation Inc. (CESAFI) sa miaging adlaw didto sa Aznar Coliseum.
Miarangkada dayon ang USJ-R pagsugod aron dag-on ang first set, 25-22, apan mibawos ang USPF uban ang kulbahinam nga
kadaugan sa second set, 25-23.
Hinuon, ang gutom nga spiking Jaguars nagmangtas sa ikatulo aron haruson ang ikatulo ug ikaupat nga sets, 25-22 ug 25-19
aron bihagon ang USPF Panthers.
Ang kadaugan nagtukmod sa USJ-R ngadto sa unang dapit sa standing sa ilang 2-0 nga baraha, samtang ang USPF nagtangag
og 1-1.
Sa secondary boys division, ang defending champion USJ-R mikitkit sab sa ilang ikaduhang daog sud sa tulo ka duwa batok sa
University of San Carlos (USC), 25-22, 19-25, 25-20. (BANAT NEWS)
- Latest
