CEBU, Philippines - Wala gihapoy paghupas ang lana sa defending champion MJDL Brokers kinsa nakaipsot batok sa PCB Brokers, 88-84, samtang ang Roscan Lines (kanhi Canillas-Yoryoj) midaog sab batok sa Alin Brokers, 87-77 sa 3rd Cebu International Port Users (CIPU) caging niadtong Martes didto sa USC North Campus gym.
Ang higanteng si Dandan Enriquez wala kapugngi sa ilawom hinungdan nga mihakot kini'g 24 puntos alang sa MDJL ni team owner Mike Jude Logarta. Si Baeng Medalle midugang og 18 puntos sa maong kadaugan. Ang PCB gipangulohan nilang Alex Pangan ug Yulo Arevalo nga miiskor og 19 ug 18 puntos matag usa.
Sa laing bahin, si Jonas Cayanong mikabkab og 15 puntos aron pangulohan ang Roscan Lines, samtang si Alin Brokers team owner Israel Alin ug si Ryan Villomo miburak og 19 puntos matag usa alang sa napilde nilang koponan. (BANAT NEWS)
PUNTOS MATAG USA
Unang duwa:
MJDL (88) - Enriquez 24, B. Medalle 18, Gambe 10, N. Medalle 8, Arreglo 6, Largosa 6, Rollon 4, Laborte 4
PCB (84) - Pangan 19, Arevalo 18, Plando 10, Lim 10, Mondin 8, Davila 8, Mompar 8
Ikaduhang duwa:
Roscan Lines (87) - Cayanong 15, Singson 14, Manlosa 12, Sigue 10, Bensi 10, Almodial 8, Delosa 7, Piape 6, Villa 4, Generalao 1
Alin Brokers (77) - I. Alin 19, Villomo 19, Estorgio 14, Barral 10, Alimoren 8, Lleve 4, Lobitaña 3