Yaw-Yan magsaulog sa ilang ika-41 nga anibersaryo

CEBU, Philippines -   Ang Yaw-Yan ArDigma Martial Arts Federation, Inc. magsaulog sa ilang  41st  founding anniversary karong adlawa didto sa Yaw-Yan Ardigma Headquarters sa dalan Sanciangko, ning siyudad.

 Sugdan ka selebrasyon pinaagi sa Santos nga Misa   sa alas-5 sa hapon. Isunod dayon ang kalihukan sa traditional baptismal rites, mga programa ug nagkalain-laing demonstrations.

 Gawas sa anibersaryo, saulogon usab karon ang ika-88 nga adlaw'ng natawhan ni Yaw-Yan originator Grand Master Napoleon 'Nap' Fernandez.

 Ang Korean-Argentinian ug International  martial arts and fitness instructor nga si Leonardo Jun-Su Shin maoy pinasidunggang dinapit ug mamumulong sa maong kalihukan nga usa ka nasudnong selebrasyon sa Philippine Yaw-Yan Martial Arts.

     "This is a chance for the new members to get to know their old brothers and sisters and also to strengthen the bond of camaraderie and brotherhood here in Yaw-Yan," matud pa ni Yaw-Yan Cebu ArDigma CEO/Founder and Vis-Min director Master Benigno  'Ekin'  R.  Caniga  Jr.

 Ang Yaw-Yan unang gipaila niadtong 1972 didto sa Sta. Cruz Manila ni Grand Master Fernandez nga usa ka matang sa martial arts nga mogamit sa nagkadaiyang parte sa lawas  nga maoy hinagiban  pagdepensa sa kaugalingon. (BANAT PALARO)