CEBU, Philippines - Dakung bihag ang nadagit sa Labarca Trading dihang ilang gipakuratan ang HLY-Friends, 127-119 alang sa una nilang daog sa Power Forty President’s Cup basketball tournament niadtong Martes sa gabii didto sa Inayawan Sports Complex.
Sa sayo pa, ang AMBL nakaipsot batok sa Park ‘N Go sa iskor nga 95-92.
Lima ka players sa Labarca Trading ang mibahog og double figures nga gipangulohan ni Tony Ungria, kinsa mihipos og 37 puntos. Si Teddy Ebrado miamot og 28 puntos, samtang si Macmac Navares mitampo'g 23 puntos. Silang Titing Fuentes ug Gideon Bughao miiskor og 14 ug 10 puntos matag usa alang sa 1-3 nga Labarca Trading.
Ang napildeng HLY gipangulohan sab ni Julian Capala sa iyang 27 puntos, gisundan nilang Alex Mercado ug Rey Mabalcon nga mituhog og 17 puntos matag usa.
Sa laing bahin, si Robert Abasolo maoy nangu sa AMBL pinaagi sa iyang 20 puntos, samtang ang Park ‘N Go gipangulohan sab ni Jingjing Rama nga adunay 20 puntos.
Puntos matag usa
Unang duwa:
AMBL (95) - Abasolo 20, Gaviola 13, Flordeliza 12, Abellanosa 12, Chiong 9, Fuentes 9, Cabatas 9, Kalinga 4, Lawas 3, Piezas 2, Filosopo 2
Park 'N Go (92) - J. Rama 20, Arias 16, Misa 14, Dejacto 10, Dayota 10, Lisondra 8, Mosqueda 6, G. Rama 4, Nacional 2
Ikaduhang duwa:
Labarca Trading (127) - Ungira 37, Ebrado 28, Navares 23, Fuentes 14, Bughao 10, Abellana 6, Villaver 5, Almojallas 4
HLY (119) - Capala 27, Mabalcon 17, Mercado 17, Cabrera 13, F. Yosores 12, Tantya 12, Atillo 11, Abasolo 4, Yosores 4, Manturillas 2 (BANAT NEWS)