CEBU, Philippines - Nagtabla karon sa unang pwesto ang Petracorta Brokers, Mac Nels ug ang FYA Selection sa parehong 2-0 nga baraha sa nagpadayong 2nd Cebu International Port Users (CIPU) basketball tournament diin mibalik didto sa Cogon-Ramos gym ang tulo ka duwa niadtong Sabado sa hapon.
Sa primerong duwa, gilat-an sa Petracorta Brokers ang Avenido Brokers sa iskor, 82-56 diin mibahug og 24 puntos ang beteranong sentro nga si Takloy Moral aron pangulohan ang opensa sa iyang team.
Sa ikaduhang duwa, miantug og 16 puntos si Jef Garcia kinsa maoy mibaswat sa Ynah Brokers dihang ilang gipakuratan ang defending champion Canillas Customs Brokers, 71-51.
Sa ikatulo ug kataposang duwa niadtong Sabado, gikusgon ug kapaspas maoy gigamit sa Mac Nels nga hinagiban aron sumpoon ang abtik ug kugihan nga Alin Brokers, 78-73 diin ang krusyal nga three-pointer ni Loreto Castillo sa daginutong oras sa duwa, maoy mibaswat kanila. Si Castillo mihakot og 15 puntos alang sa Mac Nels.
Ang FYA kinsa walay duwa niadtong Sabado, aduna gihapo'y 2-0 nga baraha uban sa Petracorta ug MacNels.
Mag-ilog alang sa unang pwesto ang Petracorta ug ang Mac Nels karong umaabot Sabado.
Gawas kang Moral, laing uduha niya ka teammates ang miamot og double figures.
Sa laing bahin, si Garcia maoy nahimong yawe sa kadaugan sa Ynah Brokers. Niadtong siya pa maoy team leader sa CEBAMA uban sa iyang igsoon nga si Jurie, dili siya kanunay mamuntos kay iyang na-andan ang pag-apod apod sa bola ngadto sa iyang mga teammates.
Puntos matag usa:
First Game:
Petracorta Brokers (82)— Moral 24, Cabaltera 13, Palero 10, Sagario 7, Pepito 5, Cedeño 5, Petracorta 4, Solidarions 2, Sagarino 2, Petracorta 1
Avenido Brokers (56)— Plando15, Cayanong 13, Cantuga 11, Arevalo 5, Lim 5, Avenido 4. Baguio 2,Urbina 1
Second Game:
Ynah Brokers (71)— Garcia 16, Laurente 14, Manulat 12, Amistoso 7, Mones 6, CJ 4, Villarin 3, Carmen, Oporto 2, Guardiano 1
Canillas (51)— Villa 16, Manlosa 8, Bensi 5, Peras 4, Generalao 4, Largosa 3, Sillar 2, Belarmino 2, Boniao 2, Sigue 2, Diano 2, Dela Cerna 2, Yap 2.
Third Game:
Mac Nels (78)— Singson 25, Castillo 15, Cabillada 12, Paul 7, Tsndas 6, Elorde 5, Rodriguez 4, Labrador 4.
Alin Brokers (73)— Barral 13, Estorgio 12, Villomo 11, Herbito 10, Lleve 8, J. Alin 6, I. Alin 3, Alin, Laurel 2, Alimoden 2, Lobitaña 2.