MOA

Sa madugay ug madali pagasugdan na gyud ang Sunday School Class sa atong mga kabataan dinhi sa Parokya ni San Vicente Ferrer Buanoy Balamban. Makapantandog ug makapalipay sud-ongon nga daghanan sa atong mga kabataan ug kabatan-onan mag-ambahan sa pagpasalamat sa Ginoo sa daghang mga grasya nga nadawat ingon man ang pagdasig kanila nga magkat-on sa mga panukaranang mga Pagtulon-an sa atong Simbahang Katoliko.

Salamat sa Buanoy Central School nga mopagamit pipila sa mga classrooms niini.

Tungod niini pagahimoon ang MOA signing kalabut niini. Aron sa ingon, maseguro ang panukaranang kasabutan sa pagamit sa maong pasilidad.

Usa kini ka timailhan sa pagtinabangay tali sa Dep Ed ug sa atong Parokya. Kay ang pag-ebanghelyo kaakuhan man natong tanan.

Sa laing bahin, tumong ning maong programa nga mas masabtan ug mas mahigugma sa atong kabataan ang Parokya ingon nga ikaduha nilang pinuy-anan. Dapit kini sa pag-ampo.

Dapit kini sa pagkat-on. Dapit kini sa pagmaya gumikan sa presensiya sa isigkabata ug isigka magpapanaw sa pagtuo.

Kahigayonan kini nga gawas nga sila magkat-on sila usab magkasuod ug magtinabangay ingon nga usa ka katilingban.

Hinay hinay man tuod apan unta kanunay. Lihok kini sa Ginoo unta matuman kini pinaagi sa mga tawo nga nagbudlay alang sa pagpasangyaw sa maayong balita.