Ang kawayan

Dunay higala nako nga nagtudlo karon sa Cebu Normal University Balamban Campus nga nipaambit sa mga kasinatian sa iyang mga tinun-an sa dihang nitubo na ang tubig sa ilang tugkaran wala silay laing nahimo gawas sa pagkupot sa hugot nga paagi sa kawayan. Ang among parokya nipaabot sa maong tunghaan og hinabang nga mga used clothing tungod kay ang ilang lugar (Nangka, Balamban) mao man ang mas apektado gyud sa katalagman.

Kun maghisgot kita og flexibility ang kawayan maoy tukmang sanglitanan niini.

Sa kusog nga hangin moduko lamang kini. Mao kasagaran sa mga sa kawayan dili matumba gawas lamang kun grabe na gyud kaayo ang baha.

Ang mga tinun-an nga wala gyud mobuhi sa kawayan nga gikuptan, ang nakalingkawas Sa tino nga kamatayon gumikan ni TINO kadtong tampalasang bagyo nga nga nibanlas sa mga kabtangan ingon man nipukan sa mga kinabuhi.

Ang atong kinabuhi puno man sa mga kalisdanan ug mga pagsulay nga tungod niini angayan kitang manlimbasog.

Apan sa maong panlimbasog atong angkunon nga dunay mga suliran nga dili angayang harungon pinaagi ang malig-on nga pagdumili.

Hinunoa, ang atong himoon nga sama sa usa ka kawayan kita moyukbo dili aron motahud ug motahan kondili moyukbo aron makalikay o maluwas sa mas dako pang kadaot!