Ayaw kumpiyansa

Si Anhing Padre Gabriel Amorth daghan kaayo og natabangan sa iyang kapanahonan. Nagkadaiyang mga tawo sa tibuok kalibotan ang nidangop kaniya aron iyang katabangan labina sila nga gihasi pag-ayo sa yawa.

Giingon nga liboan ka mga eksorsismo ang iyang nahimong sa mga nagkadaiyang mga pasyente.

Apan angpangutana mao daghan ba kanila ang nagmatinud-anon sa pagsanong sa hagit sa balaanong kinabuhi.

Atong hinumdoman nga ang tinuod nga away mahitabo man sa higayon nga kita hapit na mamatay. Giunsa man nato pag-atiman ang atong lawas ingon man ang atong kalag?

Ang hagit mao nga dili gyud mokumpiyansa kay wala kita masayud sa panahon o takna kanus-a ang kaaway mobanhig kanato.

Mahinungdanon kaayo ang aftercare. Kinahanglang dasigon ang pasyente kun biktima nga kinhanglang anaa sila sa kahimtang sa grasya.

Mahilayo sa mga kahigayonan nga malayo sa Ginoo ug sa mga tawo o kaubanan nga makaangin aron mapildi ang kaluwasan.

Gikinahanglan ang disiplina sa mga sentido sanglit mamahimo man silang kahimanan usab sa yawa aron kita pukanon. Tinuod masinati ang hinanaling kalipay apan bugti niini ang sala nga mahimong ikamatay.