Pagpamalandong sa Malangkubong kaayohan
Ang mga sa kadautan (1)
Unang bahin
(Pag-Ampo Kontra Buyag)
Sa pinulongang English gitawag kini og Evil Eye. Sa Filipino gitawag kini og Usog. Sa atong Sinugbuanon nga pinulongan ato kining gialkontra pinaagi sa pulong Puyra Buyag![2] Matud pa naglambigit kini sa paagi nga mosud-ong o motan-aw ang usa ka tawo ngadto sa laing tawo, mga bata o dili ba kaha kabtangan ug hayopan. Kini magdala og kadaut, sakit o dili ba kamatayon. Nagasukad kini sa patuo-tuo ug panghunahuna pinasikad sa mahika.[3]
Ang mga sintomas niadtong nabiktima ning Mata nga Dautan ang naglangkob sa kawalay gana nga mokaon, kanunay nga manghuy-ab, pagsuka suka ug hilanat. Gisugyot nga ang biktima o ang naapektuhan kinahanglang mosul-ob o mogamit uban ang debosyon sa mga sakramentales sama sa medalyon ni San Benito, magpuyo sa kahimtang sa grasya. Kasagaran sa mabiktima niini mao kadtong dunay mga psychic openings[4] ingon man mga bata.
Kun adunay dautan o dili maayong panghitabo nga nidangat sa usa ka bata, tawo, kabtangan human nahitabo ang usa ka tawo nga nitimbiya pagaisipon kini nga kaso sa Buyag. Ang mga katigulangan pananglit mohimo nga bas-on sa ilang laway ang ilang kumagko ug idihog sa porma sa krus ang bahin sa lawas nga nakasinati og sakit Dungan ang pag-ingon: “Puyra Buyag!” Dili kay tawo lang ang mahimong biktima niini lakip na usab ang mga tanum ingon man ang mga hayopan nga kun mapasagdan, ang makahatag og dakong kadaut ngadto nila. Ginamit ang agua bendita (Exorcized Water) ug ang balaang lana (Exorcized Oil) pahiran ang bahin sa lawas nga naapektuhan. Pagahimoon kini uban ang matinud-anong pag-ampo. Kun ang mga hayop, mga tanum pagahimoon ang pagputol sa higot o gapos nga nidugtong tali sa mga tanum, hayopan ug sa tawo nga nibungat sa maong tunglo. Human niini himoon ang bendisyon nila ginamit ang tukmang mga sakramentales lakip na niini ang exorcized water ingon man exorcized oil kun gikinahanglanon.
MGA PAG-AMPO
Pagaampoon sa Pari
O Ginoo nga among Dios, Hari sa tanang katuigan, Gamhanan sa tanan ug ang Magbubuhat sa tanang mga butang subay sa imong kabubut-on. Didto sa Babilonia, gihimo mong yamog ang mga kalayo sa hudnong nagdilaab bisan pa man kun ang kainit niini gipilo pilo sa makapito, mapanalipdan lamang ang tulo ka mga batan-ong lalaki. Padayonon sa gula