Dear Atty. Divine,
Ang among kompaniya giingong alkanse na sa ilang operasyon. Matud sa HR nga posibleng manira na sa hingpit ang among company next month.
Lima ka tuig nako nga nagtrabaho sa among company ug karon ra ni nahitabo nga na-delayed na ang among sweldo. Kun pananglit manira na sa hingpit ang among kompaniya duna ba mi madawat nga separation pay? Daghang salamat.
Robert
* * *
Dear Robert,
Basi sa Art. 283 sa atong Labor Code, ang kompaniya mamahimong manaktak og trabahante tungod sa hingpit na nilang pagpanira sa ilang operasyon apan obligado ang kompaniya o employer sa paghatag og separation pay sa ilang employee nga equivalent og one month or half month per year of service.
Sa ato pa, kun manira ang imong company then makadawat ka og separation pay sa imong lima ka tuig nga pagtrabaho nila. Mohatag na og computation kanimo ang company kun pila ang imong madawat nga separation pay. Thank you and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.