PWD ID for sale in Cebu City?

Puwera lang sa maayo, ang ubang mga tawo wala na gyud mahadlok og gaba basta makabentaha sakmiton gyud ang mga oportunidad nga alang lang unta sa uban nga tinuod nga nagkinahanglan og tabang.

Sama sa natribokar nga anomaliya nga naglambigit sa PWD ID nga giingong gipamaligya og dos mil pesos hangtud na sa kwatro mil pesos.

Mitumaw kining kasayoran base usab sa nadawat nga impormasyon ni Cebu City Councilor Cuenco nga naabot usab ni Acting Mayor Raymond Alvin Garcia kinsa nimando og imbistigasyon mahitungod sa alegasyon. Apan nagkinahanglan nga adunay mobarug nga complainant ug mga ebedensiya aron molampos ang kaso sa mga nalambigit niining maong tinonto.

Samtang nakasakmit ang Department of Social Welfare Service kon DSWD og pito ka mga fake PWD ID gikan sa mga tawo nga walay apan sa lawas.

Naa pa gani gikan sa usa ka personnel sa Bureau of Fire Protection nga wala nganli sa in charge sa PWD Program unit head diin nabuking kini human mangayo og purchase booklet sa ilang buhatan.

Wala maggikan sa ilang buhatan ang ID kay wala niini special feature sama sa QR code.

Dako na og mapahimuslan ang mga PWD ID holder kay adunay 20% nga diskwento sa tambal ug ubang mga serbisyo.

Apan ang giapas sa uban mao ang prebelihiyo nga makuha nila tungod kay all access man diay ang mga PWD apil na sa parking diin mamahimo silang makaparking ug ipakita lang ang ilang ID. Dili ikahibulong nga mobawayad og dakong kantidad makaangkon lang PWD ID.

Dili lang sa apan sa lawas o physical appearance ang basehan karon kon dili ang kondisyon usab sa kinatibok-an, pwede man nga baskog ang lawas tan-awon apan adunay deperensya ang sulod niini busa gikinahanghlan nga susihon og maayo ang mga mokuha sa ID.

Giklaro hinuon sa DSWS nga wala maggikan kanila ang mga ID nga giingong gipamaligya ug posibleng pinahimo kini gikan sa mga printing press nga angayan apilon sa pagsusi aron masuta gyud ang tinubdan kong ugaling tinood man.

Gumikan sa konstrobersya gipahunong ni Acting Mayor Garcia ang pag proseso ug pag-release sa PWD ID sulod sa pito ka adlaw hangtud mahuman ang imbistiogasyon nga nakaapekto pud sa mga adunay suliran sa panglawas, adunay mga nag renew unta sa ID ug mo-claim usab apan wala madayon tungod sa stoppage order.

Nangamuyo intawon sila nga ikonsiderar kay ang ilang sakit dili gyud makahuwat, maayo nalang ang 20% nga discount nga ilang makuha sa mga serbisyo sa tambalanan ug mga tambal nga nahunong intawon.

Sa kadtong mga naghimo sa tinonto ang Ginoo nalang ang mahibawo kaninyo. Wala pa man mo mahisakop sa PWD Sector karon basin matinood hinuon ang inyong pagpahimulos sa kahigayonan alang sa tinuod nga nagkinahanglan og tabang.