Gustong kuhaon sa amahan ang custody sa bata

Dear Atty. Divine,

Ang akong igsuon adunay anak sa pagkadalaga ug ang bata 3-anyos na. Nagbuwag sila sa amahan sa bata nga usa ka OFW. Karon gusto sa amahan nga kuhaon ang custody sa bata kay mas maka afford daw siya sa pagpadako ug pagpa eskwela sa ilang anak. Dili mosugot ang akong igsuon ug wa siyay plano nga ihatag sa amahan ang pag-custody sa iyang  anak. Ang akong pangutana, unsay buhaton sa akong igsuon kun mamugos gyud ang amahan  sa pagkuha sa bata? Daghang salamat.

Lorna

* * *

Dear Lorna,

Basi sa balaod, kun ang bata illegitimate, ang inahan maoy adunay katungod nga mo custody niini. Ilabi na gyud kun ang bata below 7 years old, dili gyud kini dapat ibuwag sa inahan basi sa balaod. Bisan pa kun mas maka afford ang amahan sa pagpadako ug pagpa eskwela sa bata, dili kini igong basihan nga ihatag sa korte ngadto sa amahan ang custody sa ilang anak. Busa kun mamugos ang amahan sa pagkuha sa bata,mamahimong modangop ang imong igsuon ngadto sa korte. Lain  option sa imong igsuon mao ang pagpasaka og reklamo sa barangay  batok sa amahan sa bata aron pag areglo sa maong issue. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules,Sabado ug Domingo.