Gikahadlokan ang dunay patik

Ipaubos sa usa ka  inventory  ang tanang personnel sa Police Regional Office-Central Visayas (PRO 7) aron masayran kon kinsa kanila ang adunay patik o tattoo nga makita bisan kon nagsul-ob na sa ilang uniform. Mao kini ang bag-ong polisiya nga gipatuman sa PNP nga nagmando sa pagtangtang sa tanang dayag nga patik sa lawas aron sa pagmentinar sa professional nga imahe sa kapolisan.  Angayan ipatuman ang maong polisiya kay ginaingon baya nga,  Ang kalibutan nabahin sa duha ka matang sa tawo: kadtong adunay patik (tattoo) ug kadtong mahadlok niadtong mga patikan Muleeng!

Hinaut nga dili magsamok-samok

Nabatyagan nga midaghan ang mga Chinese vessels lakip na ang ilang mga barko de guerra nga nagbahis-bahis sa kadagatan sa Pilipinas atol sa pagpangandam sa nasud sa Balikatan joint military exercise tali sa Amerika.  Daghan ang mensahe nga buot ipadangat sa China ni ng ilang pagpadala og daghang barko diin ang labing tataw mao nga ilang gihimug-atan ang ilang pagpangangkon sa maong mga luna sa West Philippine Sea.  Hinaut nga magsud-ong lang nga malinawon ang China sa Balikatan exercise.  Kon moapil ug magsamok-samok ang China, dili nato maisip kon unsay mahitabo ng kagubot.   Let s see the scattered  na lang unya.  Fezteleern!

Tinukmod sa kasina?

Mipasidaan ang Department of Health (DOH) nga mahimong mawagtangan sa ilang lisensya kadtong mga doctor nga modawat og gasa o pahalipay gikan sa mga pharmaceutical companies bugti sa ilang pagpromote ug pagprescribe sa mga tambal nga gibuhat sa maong kompaniya.  Baniog na kining maong praktis sa mga doctor. Kon ugaling nakalapas sa Code of Ethics ang ilang gibuhat, angayan pahamtangan og silot.  Hinaut nga kining gibuhat sa DOH dili tinukmod sa kasina sa kalampusan nga nakab-ot sa uban g doctor.  Kay ginaingon man nga  Ang kasina mao ra y bisyo nga dili gayod maghatag og kalipay .  Madahaan!

Pailob lang una

Gisalikway ni Presidente Marcos ang mga panawagan nga hulipan si Bise-Presidente Sara Duterte isip kalihim sa Department of Education dugang ang pag-ingon nga ang ilang working relationship tali sa Bise Presidente dili maapektohan sa mga sentimento sa Unang Ginang batok kang Sara.  Gipakita sa Presidente nga dili siya dali madala sa hulhog ug nga aduna pa siya y pagsalig sa Bise Presidente.  Busa kadtong mga interesado nga mahimo ng kalihim sa DepEd, paabot ug pailob lang una.  Kay ginaingon man nga  Pailob ang yawe sa kalampusan.  Makabaton ka og manok pinaagi sa paglumlom sa itlog, dili sa pagbuak niini . Mao man!

Resulta sa El Nino

Tungod kay lisod na man mahalin ang iyang abot nga mga tamatis, nakahukom ang mag-uuma nga si Emelio Secretaria nga ipanghatag na lang kini aron mapuslan bisan kon nagkahulogan kini sa dakong alkansi nga iyang masinati.  Dugang pa ni Secretaria nga naapektohan pag-ayo ang iyang panguma sa El Nino.  Nasinati nato kining hataas nga huwaw tungod sa atong pagpasagad sa kinaiyahan.  Ang tawo lang ang nagpuyo ni ng kalibutan nga namutol sa kahoy aron buhaton nga papel diin maoy iyang suwatan sa awhag nga  Luwasa ang Kakahoyan .  Pagkatoytoy!