Gustong maangkon ang yuta nga dugay nang gipuy-an

Dear Atty. Divine,

Duna koy pangutana labot aning among gipuy-an nga yuta nga gusto unta namo maangkon. Kapin sa 20 ka tuig na mi nga nagpuyo aning yutaa kauban sa akong mga ginikanan.  Sa dihang buhi pa ang akong mama mama, siya sab ang tigbuhis aning yutaa.

Ang akong pangutana attorney kun mamahimo ba namo nga maangkon kining yutaa kay dugay na man kami nga nagpuyo niini?  Basi sa among nahibaw-an ang tag-iya aning yutaa mao ang gobiyerno. Unsay among buhaton aron among maangkon kining among gipuy-an?  Daghang salamat.

Tony

* * *

Dear Tony,                                                          

Kun unregistered land or wa marehistro ang yuta sa pangan ni bisan kinsa mamahimo ninyo kanang aplayan aron inyong maangkon tungod sa inyong pag-okupar niini sa dugay na nga panahon. Apan mas maayo nga inyong susihon daan kun anaa bay pribadong tawo nga tag-iya nianang yutaa ngadto sa Assessor’s Office or sa DENR. Kun unregistered lang gyud kini, mamahimo kini ninyong aplayan ngadto sa DENR. Aduna silay list of requirements sa mga dokumento nga dapat ninyong isubmit ngadto kanila. Thank you and God Bless!

Atty. Divine

Alang sa inyong pangutana, palihug lang sap ag- email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.