Nagdudang may karelasyon ang asawa

Dear Atty. Divine,

Usa ko ka OFW sud na sa lima ka tuig. Mouli ko sa Pilipinas every after 2 years. Aduna koy usa ka anak. Karong bag-o aduna koy nadawat nga message nga ang akong asawa adunay gikabuangan nga batan-on, ulitawo daw ug nagtungha sa kolehiyo. Akong gi-confront ang akong asawa kalabot niini apan iyang kining gi deny. Wa pa koy nakuha nga mga ebidensya apan kun ugaling makompirmar nako nga aduna siyang karelasyon, mamahimo ba nako nga kuhaon ang custody sa akong anak gikan kaniya? Mamahimo ba nako kining basihan usab sa annulment sa among marriage? Mr. R.

* * *

Dear Mr. R,

Mas maayo nga imo unang sutaon kun aduna bay kamatuoran ang maong pasangil kay basin og aduna lay tawo nga gustong modaut sa imong asawa. Apan kun imo kining makompirmar 100% mas maayo nga makig estorya ka sa imong asawa ug imong suwayan sa pag-save ang inyong kaminyuon. Kun di na gyud mo ma settle, mamahimong imong hangyuon ang imong asawa nga ikaw ang mo-custody sa inyong anak tungod sa iyang kasal-anan nga nahimo. Kun di siya mosugot niini then mamahimo kang modangop sa korte aron ang korte na ang mohukom kun kinsa ang dapat mo custody sa bata. Kining issue sa pagpakigrelasyon og laing binuhat dili kana igo nga kabasihan sa pagpa-annul sa kaminyuon. Kinahanglan nga adunay usa kaninyo nga psychologically incapacitated sa pag-comply sa inyong marital obligations, you need a psychological assessment kalabot niana. But I am hoping nga ma save pa ninyo ang inyong marriage alang sa inyong anak. Thank you and God bless.

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.