Sa abog kita gikan, sa abog kita pauli

Katekesis No. 99

Karong adlawa pagasugdan na usab nato ang laing hugna sa kwaresma sanglit karong adlawa Miyerkoles man sa Badlis. Ma-busy na pud ko niini.

Ning maong pamaagi gidasig na usab kita nga atong bansayon ang mga buhat sa kaluoy ingon man ang pagpuasa.

Daghan na usab ang atong pagahimoon nga pagsakripisyo aron sa sala unta kita mapasaylo. Adunay maanindot nga pagtulon-an. Naglangkob kini ning mosunod:

1. Pagpaubos sanglit sa abog kita gikan ug sa abog kita pauli.

2. Paghinulsol ug pagbangotan sa atong dakong pagkamasalaypon.

3. Pagka manggihatagon aron basin na lamang diha sa atong pagpaambit sa mga gasa nga atong nadawat mapuypoy nato ang makatarunganong kasuko sa Dios gumikan sa atong maluibong pagkinabuhi.

Ang ASH WEDNESDAY ingon tang pulonga ang nag-aghat nato ning mosunod:

Availability alang sa Dios nga nagtawag kanato sa pagpauli sa matuod natong puloy-anan nga mao siya.

Silence kun kahilom diha sa atong pagpamalandong kun asa na kita dapita  sa atong panaw sa pagtuo?

Happiness diha sa pagpadayag sa atong pagtuo ug sa pagbansay niini. Dili ba makapadasig man kini.

Ang gimarka nga krus sa atong agtang pahinumdom nga kita iya ni Kristo Jesus. Amen.